Shari Shari Kakigori House 氷屋 (已搬遷) 新店位置

话说我有个朋友住新界，但系成日都会专登走出铜锣湾食刨冰。我好奇究竟系乜刨冰咁好食，令佢要咁远水路专登出去食，所以就叫左佢带我去食啦。呢间系标榜用日本既水做既刨冰，我个人都几好奇佢点样运咁多水过黎，同埋同普通刨冰有咩分别。我地三个人叫左两个刨冰share，我一见到就拣左焙茶味，朋友就拣左士多啤梨味。首先佢刨冰都几大份下，开头我有啲担心佢食到最底会唔会乜味都无，只剩翻冰。但系原来佢个底应该有再落多一层酱，所以我既担心其实系多余。先讲士多啤梨，佢地话好好食，我就无感，一来我唔钟意士多啤梨味既甜品，二来我觉得颇甜。跟住就系我拣既焙茶味，呢个就唔同啦！！！茶味浓郁，唔会太甜，仲有几旧黄豆粉蕨饼最佳配搭！！！虽然我饮既话系比较钟意抹茶，但系拣甜品既话，一定系拣焙茶味！另外，虽然真系贵左少少，但系久唔久出去食一次既话，唔会太肉赤之余，食完又可以令人有十分满足既感觉。