金田家

营业中

休息中

拉面系我最近好钟意食的一样野，钟意铺头会因应唔同客人要求、喜好去制作一碗面出黎。虽然日式拉面店往往好细、坐得唔舒服又好快要走，但正因为同其他食客距离近，可以充分感受到其他人的情绪，更加有助融入环境。一坐低，唉呀好失望，冇得任加芽菜，好彩冇得加芝麻！但有其余两种配菜。其中一种真系辣到痴左线﹝不是粉红色果种﹞，店面应该喺樽面表示，方便唔食得辣嘅朋友仔。经典拉面中有只紫菜、叉烧、面同木耳丝，我觉得唔够食所以加左芽菜同溏心蛋，真估唔到只溏心蛋原来咁正！加$7就有左芽，价钱算系公道，因为都装满一大个碗，而且好够新鲜，放落汤底一阵之后变半生熟，口感刚好。其他拉面店极其量只有半只溏心蛋，金田家就$12一只。稍稍深色、介乎灰同咖啡色的外表，表示佢好入味。食一啖果然冇叫错，蛋白好甜而且非常软滑，一啖面一啖蛋，不得鸟！流心蛋黄同样系香香甜甜，但该种甜十分天然，唔会盖过个蛋味。唔知日式拉面面质系味都偏硬架呢？我明明叫左「软面」但都只不过系香港普通面的软度。同行的姊妹们叫左「普通」，但佢地话好硬wo!所以好彩叫左软面姐。