影片
更多
2018-12-16
1826 浏览
今日出去上环买药材, 当然又要顺个靓顺揾下有咩好嘢食, 今日揾咗呢间位于差馆上街的荣华南洋冰室, 点解拣呢间? 因为佢唔止茶记嘅咁简单啰。原来呢间茶记都好多明星名人帮衬15:00 又系唔使等位时段, 可以畀我慢慢叹。呢度除咗南洋美食, 仲有泰国及越南食品。好多嘢都想食呀, 可惜今日单拖只可以叫一个set, 呢度最正系咩呀? 就系佢哋嘅套餐可以用好平嘅价钱追加多款小食, 啱晒我呢啲样样都想食、想试嘅为食人种。泰式香叶肉碎生菜包 ($68) 刚刚炒好, 肉碎粥冒紧烟, 香气四溢, 未食午餐嘅我肚子劲打鼓, 香叶好香, 半肥瘦肉碎加埋泰豆角粒、辣椒粒及洋葱粒, 加上泰式香辣酱炒得香香辣辣 , 惹味十足。用爽脆生菜包住食非常正, 我觉得用嚟捞饭食都会好开胃。泰式凤爪 ($20加配)凤爪甜酸度中和, 香茅青柠味突出, 清新怡人, 洋葱好香, 好喜欢佢哋嘅泰式酸辣汁, 辣味温纯不抢喉, 但食完却满口香辣, 出色, 回味。牛油鸡翼两只 ($15加配) 鸡亦蒜香澎湃, 有淡淡嘅虾酱咸香, 仲要喺鸡翼面加多pat 干身蒜蓉畀你, 够晒香, 食完口都臭埋, 哈哈哈~~~炸虾卷 ($10加配)原只虾加幼薯
原来呢间茶记都好多明星名人帮衬
15:00 又系唔使等位时段, 可以畀我慢慢叹。
呢度除咗南洋美食, 仲有泰国及越南食品。
好多嘢都想食呀, 可惜今日单拖只可以叫一个set, 呢度最正系咩呀? 就系佢哋嘅套餐可以用好平嘅价钱追加多款小食, 啱晒我呢啲样样都想食、想试嘅为食人种。
泰式香叶肉碎生菜包 ($68)
刚刚炒好, 肉碎粥冒紧烟, 香气四溢, 未食午餐嘅我肚子劲打鼓, 香叶好香, 半肥瘦肉碎加埋泰豆角粒、辣椒粒及洋葱粒, 加上泰式香辣酱炒得香香辣辣 , 惹味十足。
用爽脆生菜包住食非常正, 我觉得用嚟捞饭食都会好开胃。
泰式凤爪 ($20加配)
凤爪甜酸度中和, 香茅青柠味突出, 清新怡人, 洋葱好香, 好喜欢佢哋嘅泰式酸辣汁, 辣味温纯不抢喉, 但食完却满口香辣, 出色, 回味。
牛油鸡翼两只 ($15加配)
鸡亦蒜香澎湃, 有淡淡嘅虾酱咸香, 仲要喺鸡翼面加多pat 干身蒜蓉畀你, 够晒香, 食完口都臭埋, 哈哈哈~~~
炸虾卷 ($10加配)
原只虾加幼薯条炸成, 咬落索索声, 很脆口, 虾肉爽甜。
泰式奶茶($25加配)
泰式奶茶茶跟炼奶分开上枱还是第一次, 看得见的认真, 唔怪得佢哋啲嘢食咁好味啦。
店员吩咐茶壶要焗多五分钟先至好饮, 我就忙著食上的食物, 焗咗应该有十分钟, 呢杯泰式奶茶茶味够香浓, 配炼奶非常好饮, 估唔到冇拉过嘅奶茶都咁香浓滑口, 神奇
过开嚟上环一定会再来, 呢度啲嘢实在太好味了, 我其实好想试埋佢哋嘅咖吔, 哈哈~~~奈何实在太饱了, 佢地还很注重清洁, 我差不多食左1个钟, 没有人坐过那张台分别有2个店员不同时间用布擦过, 要赞!
很饱, 食完行行阵看看昼作才闪人。
张贴
