小王牛肉麵 (已結業)

日日食午餐，食得多都唔知食乜好，今日就试吓去沙田火车站上层揾食。午餐时间，见到好多人喺呢间食肆排队，就即管入去揾食啦！呢间食肆，主要系食台湾风味菜，所以就揾啲台湾嘅经典食物试吓。食物选择很多，价格不算便宜 。但凡惠顾饭/面类，只需要加$8就可享用一杯指定饮品，可选珍珠奶茶、香芒冰茶、玫瑰花蜜或红枣茶， 比较优惠。河粉汤底冇乜味，但有两条菜，比较健康。鸡扒大大件， 都好松脆，不过沾粉太多，非常油腻，食完成个下午都滞住。牛筋面汤底牛肉味好浓， 面QQ的，可惜牛筋煮得过火，过份稔， 毫无咬口 ，失败之作。茶味一般， 无特别之处，珍珠非常少， 幸只加$8， 否则不值得。