出羽櫻鐵板料理

营业中

休息中

星期五晚八点几，餐厅围着铁板烧枱的大概15至16个座位，黐得密密的。不过一心想食「铁板烧」，就勉强摄咗埋去。恶梦就开始了…（1）座位放得太密，隔离几位食客相识的，不停大声畅谈。倾偈当然正常，但座位靠得太密，隔离位食客系咁喺我耳边大叫，仲要陶醉地哼歌。我点食饭啊？（2）厨师唔卫生，望住个厨师用纸巾擤完冇洗手，冇抹手，就继续煮食。所有厨师都冇用口罩。（3）去到一半就大镬了，厨师/老板将音乐转做80年代快歌，「坟」机，大声到不得了，我以为系酒吧/80年代disco，嘈到想即刻逃离现场。应该系餐厅想买酒，所以开大个音乐俾啲食客hi hi 哋买多几杯酒。(4) 食物同价钱不成正比，鱼生不新鲜，其他都好一般，个炒面直头㶶嘅（睇相）。 听返当区朋友讲，呢间铁板烧已经变左「饮酒、嘈！」真系食嘢前，要多啲睇OpenRice的😭评语。