金沙角小館

营业中

休息中

写完点心纸想揾个员工，竟然揾咗十分钟都冇人招呼你！收茶钱但系茶都冇壶，张单嚟咗发现落少咗个餐，叫个呀姐加返，之后食完三个点心个饭都未黎！？（啲点心仲要系食完一个隔咗好耐先黎第二个）同第二个呀姐讲个饭仲未嚟，佢话个饭蒸紧要耐少少🤏，OK！咁我再等多等！再过咗15分钟都未有，同佢讲，佢话 下！仲未黎呀！？ 我话一系你转个干炒牛河比我算啦！佢话Okok! 佢走去加完单我再问佢 今次真系落咗单啦吗？佢话系！ 再等咗十分钟！第一个呀姐拎咗张单黎话 岩啦嘛？ 一睇 下！？？乜都冇加过㖞！！ 我系度白白等咗咁耐你比张乜都冇加过嘅单我？ 我即刻起身走啦！ 真系离哂大谱！食间茶记食到法国餐咁，嘥晒我啲时间！ 最差茶记！没有之一！ 啲肠粉皮厚到乜咁，绵花鸡又鞋 ！ 有冇搞错！？食到一肚气！