金沙角小館

营业中

休息中

寫完點心紙想搵個員工，竟然搵咗十分鐘都冇人招呼你！收茶錢但係茶都冇壺，張單嚟咗發現落少咗個餐，叫個呀姐加返，之後食完三個點心個飯都未黎！？（啲點心仲要係食完一個隔咗好耐先黎第二個）同第二個呀姐講個飯仲未嚟，佢話個飯蒸緊要耐少少🤏，OK！咁我再等多等！再過咗15分鐘都未有，同佢講，佢話 下！仲未黎呀！？ 我話一係你轉個乾炒牛河比我算啦！佢話Okok! 佢走去加完單我再問佢 今次真係落咗單啦嗎？佢話係！ 再等咗十分鐘！第一個呀姐拎咗張單黎話 岩啦嘛？ 一睇 下！？？乜都冇加過喎！！ 我係度白白等咗咁耐你比張乜都冇加過嘅單我？ 我即刻起身走啦！ 真係離哂大譜！食間茶記食到法國餐咁，嘥晒我啲時間！ 最差茶記！沒有之一！ 啲腸粉皮厚到乜咁，綿花雞又鞋 ！ 有冇搞錯！？食到一肚氣！

開業差不多三個月，問唔時經過都見到坐無虛席，今晚星期六就試試，晚上唔夠六點，店內已經九成滿坐，响門口望下望下睇下有無位之際侍應哥哥就問有有冇攞飛，之後好快就可以入坐。店內環境，除非坐側car位，否則都有點迫。店內有七八個侍應，但眼見周邊有人催單、漏單、落錯單、收錯錢、侍應同收銀嘈⋯明顯完全無默契。餐牌選擇不多，最後點了：椒鹽雞軟骨、啫啫通菜煲、黑椒牛仔骨。過了十五分鐘左右先來椒鹽鮮魷，對，是落錯單，過五分鐘才來椒鹽雞軟骨，是厚炸粉⋯但有底味的（自行評價）個人麻麻。啫啫通菜煲，正常發揮，上枱時還滋滋聲的。黑椒牛仔骨，賣相一流，青紅椒好香，牛仔骨好厚，但食落完全無牛味，鬆肉粉乸過龍，還有阿摩尼亞味，結果幾乎原煲無食過，浪費金銀。叫了兩支青島$56埋單$350。未至於劣評，但應該不會再來。

八點幾九點去到，四個人食叫左四個餸。餐牌依個好吸引，黃金蝦好足料，唔會好咸。四個人都食到兩三隻食咗一半先記得影，肥牛同粉絲都有好多，而且淡淡都朔晒味，如果唔叫飯嘅朋友應該都夠。味道唔會好濃，食完個口唔會好乾呢隻雞好足料，但係有啲韌，而且味道唔係好重，應該大概半隻左右，係新開雙拼經濟優惠。依個西蘭花帶子經濟實惠，師父唔重手，仲有大小唔同既帶子。缺點係係咁熱夏天去食冷氣唔係好大，如果夜晚佢都要加把風扇，希望佢個冷氣快啲整好，咁嘢食同埋環境就好相襯新裝修坐得幾舒服，仲有梳化位同埋大枱啲人可以睇電視睇比賽