Donkey & Sheep (已結業)

之前都有嚟过donkey & sheep 食，觉得佢地个忌廉汤真系好好饮，同食物水准唔错！事隔大半年，我地又嚟左donkey & sheep食。我地叫左一份晚餐以及一个意粉。职员向我地推介是日厨师推介，就系美国安格斯牛肉眼加鱼子意大利饭 ($238) 我地见价钱同一份美国安格斯牛肉眼一样，就选择左厨师推介。意大利饭口感烟韧，鱼子嘅份量亦不吝啬。美国安格斯牛肉眼非常大块，甚至大过手掌。而肉眼扒亦煮得恰当，肉心带有嫩粉红色，口感非常嫩。 另外叫左野菌干蕃茄黑松露意粉 ($138)，忌廉汁均匀，带有淡淡野菌黑松露味。深色一片片嘅系干蕃茄，第一次食干蕃茄，略嫌较酸。但整体意粉味道都算唔错。