龍華酒店 (下禾輋)

营业中

休息中

今晚六月十八号同屋企人去沙田龙华食晚饭，一来庆祝父亲节，二来同家姐饯行，谂住龙华啲乳鸽做得几好，其他菜式应该有水准。十二个人分两枱，因为叫十二人餐酒楼唔可以分枱上，唯有叫两个四人餐另外再加乳鸽同几个菜。乳鸽仲可以维持水准，个鸡汤都可以，但个咕噜肉就又瘦又鞋，个上汤桃胶菜就冻嘅，虾球甜豆分量少，个炒饭白晒晒，最最最失败就系条炸黄花鱼，腥到食唔落，埋单成三千几，可以话一啲都唔值。都明白节目好多𩠌都系整定之后分，但估唔倒龙华啲水准可以咁差。平时有去散叫食饭都可以，所以先会拣去依度食。今次之后都可以将佢由晚饭选项删除。真心希望酒楼负责人睇倒依个食评，会好好检讨同改善。