牛禪燒肉日本料理 (已結業)

铜锣湾真系好多好野食，今日又同朋友去左食好野，黎左世贸既牛禅烧肉食和牛超级好食！除左和牛之外，值得一赞既系小食同饮品都好得！明太子玉子烧~超级香滑既玉子烧，滑到咬落口d明太子要流出来咁，又热辣辣真系非常好食！极上和牛盛宴~呢个不得了，店员俾左张卡有指示，建议次序由淡味到浓味，头几款唔太特别，食到第五款牛外胸腹之后几款我都哗哗声，越食越好食。个人最喜欢既系牛颈脊同牛小排，肉汁紧紧锁住，肉质够淋，超正！什锦天妇罗~有虾、茄子、翠肉瓜，炸粉刚刚好唔会太厚，虾好大只弹牙，茄子同翠肉瓜都保持到水份。蓝蝶梦~呢个紫色白色既特饮好得意，个色彩好靓，蝶豆花加乳酸饮品，味道很好！叫左个特别d既海盐味雪糕，甜品当中有小小咸。另外叫左朱古力味雪糕，好香滑好浓，牛奶味重！