天海 (已結業)

听讲中环有间天妇罗超级好食， 趁今日闲日就去试下lunch啦。 知道餐厅得十个位，怕要等所以十一点半至九左右已经去到， 好彩直接walk-in唔使等， 估唔到咁早已经有几个顾客食梗。 望咗阵menu, 我叫咗山葵天海丼个餐，天妇罗方面有虾、白身鱼、蛋同野菜，另外跟碗汤同两款前菜。 首先嚟咗个前菜， 系矮瓜、节瓜、豆同埋一粒丸， 前菜嚟讲，清淡得嚟有少少酱汁，几好食。我哋个位坐正喺师傅整天妇罗前面， 望住佢好认真又熟练咁整好一件又一件嘅天妇罗，都几有趣，见到每件天妇罗都炸得咁靓，我越嚟越期待个主菜啦! 等咗两个字左右， 我碗山葵天海丼嚟到啦! 原来个饭上面舖咗紫菜丝，捞埋一齐食劲香㗎! 讲返个天妇罗，每一件个炸浆都好脆好薄， 而且一啲都唔油腻， 真系好高水准! 个虾爽口弹牙， 而鱼都几滑鱼味算浓。不得不说，天妇罗蛋系我第一次食到， 冇谂过鸡蛋都可以咁整，里面仲系流心㗎! 真系好有惊喜! 山葵我都冇落太多，因为成碗饭已经好够味好好食。 呢餐咁正，其实我系想慢慢叹㗎，但天妇罗都系趁热食会好食啲，所以我都唔可以食得太慢，否则错过咗佢最佳嘅状态。另外，跟餐个海带汤都几好饮，唔系出面𠮶啲沟粉嘅面豉