瓊媽媽 (書局街)

营业中

休息中

今晚肥妹仔咁啱响北角𠮶边做完嘢，途经呢一间叫琼妈妈嘅小店 。听讲呢度嘅招牌系佢嘅海南鸡饭，横掂今晚都系得肥妹仔同肥家姐两个人食，所以肥妹仔就叫咗海南鸡饭同咖哩牛腩饭做外卖。海南鸡饭唔好讲笑，肥妹仔一打开盒饭见到啲鸡，真系未食都流晒口水。因为每一件都系滑鸡嚟嘅，而且佢嘅鸡饭系肥妹仔钟意嘅油饭，食一啖系超级香鸡油嘅味。 而佢嘅鸡每一件都好滑溜，再配埋姜蓉 ，呢个海南鸡饭真系超级好食。佢嘅饭仲会送一碗例汤，今晚系红萝卜猪骨汤，饮落去完全冇味精味，好饮。咖哩牛腩菜饭肥妹仔帮肥家姐叫咗呢一个咖哩牛腩菜饭 ，佢嘅咖哩好香椰奶嘅味道，微辣。而佢嘅牛腩每一件都煮得好软淋，大大件。佢嘅菜饭系好似食上海排骨菜饭咁样，超好食。