瓊媽媽 (書局街)

营业中

休息中

無骨海南雞飯、雞皮慢慢鬆脫、好好食豉油印豉油同埋薑蓉值得推薦、加埋佢嘅例湯頂呱呱、用電話Apps撳機轉頭過去攞又快脆時間又如理想、朋友住得太遠，如果唔係可以買埋俾佢食、我通常都係lunch用AC撳幾個掣轉頭過去攞、地方又好容易玩，跟住北角附近即係地鐵站斜對面。佢嘅菜飯都亦都好好食。🤗🤗🤗

**史上最難食嘅雞骨飯**北角店的品質每況愈下，慘不忍睹，肉質變得非常之鞋，師傅仲要將雞翼斬碎，成個飯都係雞骨碎，位置全部都係雞翼斬碎，雞胸骨位置斬碎，其實收工都係想簡簡單單食個飯，每一啖雞都有啲雞骨碎，真係一次好唔開心嘅經歷，如果時間可以重來，我希望冇行過入呢間餐廳。除非你對雞骨碎非常喜好，咁可以嚟呢間食，因為每一件雞都有雞骨碎。請老闆你將心比己，會唔會俾晒啲雞件啲客人食，根本上裏面都係啲雞唔同部位，直程唔係同一個部位，係啲頭頭尾尾雞翼斬碎，你就算比雞翼都唔緊要，可唔可以唔好斬碎，雞翼嗰啲位真係好多碎骨，成個飯真係食唔到。但我下次唔會再嚟，多謝你令到我唔鍾意食海南雞👍🏻

過來北角見客，慣左係七姊妹道/書局街搵飯食。經見見到餐牌約$5X約蚊起，就入去幫襯下。叫左碟有骨海南雞飯+紙包檸茶。（店內無水吧)送到來都有疑問，因為賣相唔似海南雞飯，再問店員再雪確認係海南雞先起筷。個做法同傳統唔同，似係霸王雞加甜豉油。另外上碟雞上一大篤薑蔥，比較奇怪。雞斬得十分差👎👎👎，啖啖都有碎骨。雞肉位比較少，跟好多雞皮。肉質正常。叫左白飯，無試到佢的油飯。菜都無條，只係跟一堆芽菜墊底。唔會再幫襯。價錢係平ge, 但如果你對食稍有要求，請不要光顧。

第一次去北角瓊媽媽海南雞，真係有啲失望。海南雞又乾又柴，感覺就係白切雞加個水汪汪嘅黑豉油當海南雞賣，完全冇海南雞應有嘅嫩滑口感。食落去真係好似屋企煮得唔精湛嘅菜式拎出嚟餐廳賣咁。餐牌寫住濃香油飯，但完全感受唔到有乾蔥、雞油同埋香茅嘅味道，真係好失望。不過，個南瓜紅蘿蔔冬瓜湯就真係出乎我意料之外幾好飲，材料都煲得好入味。雖然海南雞唔掂，但呢個湯真係值得一飲。總括而言，我對北角瓊媽媽海南雞嘅評價唔係好高。海南雞賣相好似，但味道同質素就唔夠水準，真係有啲失望。

呢度嘅咖喱牛腩比較好食有次諗住提早落order 去到直接有得拎所以就喺OpenRice落order點知去到發現喺OpenRice叫嘅價錢貴過門市買下次都係直接打電話落order好了

過海做嘢收工，順便食埋飯先返屋企，經過書局街呢間海南雞飯，見佢入邊都好多人幫襯，應該冇死。佢有好多選擇，海南雞沙薑雞咖喱雞等等。我就叫咗海南雞飯食，配菜飯。佢仲有個例湯掃，而且唔會好鹹。海南雞飯味道整體唔錯，佢仲俾咗半隻雞髀我，令我幾開心。個餐份量足夠，就晚餐都冇問題。整體嚟講都唔錯。

被門外的圖片吸引，要了一份海南雞菜飯$52。 他家的海南雞不似平時在香港或東南亞吃慣的，其實跟一般白切雞飯差唔多，只是給了些黑鼓油而已。他們給我的雞2/3是骨，而且好似拼凑出來，跟店員反映但她說是這樣的。但湯味道不錯。以後都係去勇記吧，雖然要排隊但不會令我失望。

嚟食瓊媽媽理應食海南雞係咪？只啱一半 如果兩個人，我會揀一個咖喱牛腩飯，再加半隻沙薑雞做餸瓊媽媽有三款雞，雖然沙薑雞係比較便宜雞味沒有海南雞那麼肥美濃郁，但對怕食油膩食物的，反而沙薑雞恰到好處，瓊媽媽的雞一貫嫩滑，價錢相宜，飯盒午餐或是晚上家中加餸都極為合適。重點推介瓊媽媽咖喱牛腩飯，本身佢個牛腩飯係比較甜易入口，咖喱味濃郁，但又未去到印度或巴基斯坦咖喱那種複雜的咖喱口味，適合大眾。而瓊媽媽的牛筋牛腩，幫襯多年有九成八以上的時間都做出鬆嫩的牛腩軟滑的牛筋。隨咖喱牛腩飯奉送的餐湯落足心機，堂食直頭想問要添飲。

今次我要同大家分享一個絕對令人垂涎三尺嘅菜式，就係海南雞飯啦！🍽️🐔佢嘅外觀就已經勾起我嗅覺嘅興奮！白淨嘅雞肉配上金黃香脆嘅雞皮，真係一絕！🤤🐔第一口入口，鮮嫩多汁嘅雞肉立即在口中爆發，令人陶醉！而且配上咸香滑口嘅雞油飯，簡直就係完美組合！每一口都帶嚟滿滿嘅滿足感！😋🍚🐔海南雞飯，唔單止係一道美食，更係一種享受！佢嘅簡單風味，卻散發出無限嘅美味！如果你係雞肉嘅愛好者，呢個菜式絕對值得你一試！🍽️🐔😍

#搞串個pantry北角附近好多嘢食大家都知🚋，今次我哋就嚟到 #北角 多餐廳嘅幾條街搵嘢食啦😆。呢間海南雞飯嘅餐廳喺網上幾多好評👍🏻，仲有話係當地人主理，佢喺 #灣仔 同 #柴灣 都有分店🏬。我哋嗌咗🔴無骨海南雞轉雞油飯($59)。見到餐牌如果外賣仲有折㖭🍱，不過就算堂食，都係用便當風格嘅上菜方式🤩。而且每一碟都有齊雞髀同雞胸兩個部份😍。無骨海南雞髀🌟🌟🌟🌟去咗骨嘅雞髀🍗真係好正，而且肉質比較嫩，仲有濃郁嘅油脂🤤，真係好邪惡。不過因為海南雞喺南洋🏝️都係鍾意用一啲肉質比較老，不過雞味濃嘅雞🐔，今次都唔例外。無骨海南雞胸🌟🌟味道同雞髀差唔多，雞味🐥比較出，不過未算超級濃。不過肉質🥩就係正宗嘅東南亞海南雞，雞胸超級老🤨。芽菜🌟🌟🌟有一大堆鋪咗喺雞肉下面🐣，令我哋諗起馬來西亞嘅名菜芽菜雞🇲🇾。芽菜🌱爽脆有口感，而且本身有淡淡嘅麻油香😋，加埋雞嘅油脂，同埋蔥油味，味道好濃郁💕，不過蔥油嘅味道就有啲港式🇭🇰。雞油飯🌟🌟🌟🌟夠晒油膩，邪惡但係好好食😝。而且仲有椰漿嘅香味，味道好夠東南亞風情🌞。

好心D餐廳出咗名就做好D啦，li 間嘢我由佢一開舖就開始幫親，一開頭的確幾好食，D雞又嫩又滑，油飯都好香，價錢又唔係貴，所以我都一直keep住幫親但我今晚真係對佢好失望原本打算收工之後買外賣返屋企食，點知盒飯勁Q難食，D海南雞又乾又hai，D飯都好難食，俾狗狗都唔食，食咗幾dam 就頂唔順，搞到我咁夜仲要落街買三哥米線食，食x啦好心li D餐廳紅咗上過東張就好以為自己大哂，大把人幫親，你繼續維持住li 個 level，你都就快執得啦🙄👎

喺北角買外賣，呢間非常經濟。最抵食就係霸王雞或者沙薑雞配白飯，真係好抵！今次叫咗沙薑雞飯，呢個價錢食到咁嘅飯盒，好滿意！沙薑雞白飯 $31都有好多舊雞，有啲係髀位，亦有胸同翼位。雞配埋沙薑雞汁幾好味，但又唔會太鹹。雞飯配咗大堆芽菜喺啲雞下面，有菜食下。芽菜吸咗啲雞汁送飯一流！仲有，叫外賣好快就拎得！趕時間或者糧尾都可以再幫襯😝

因為黎呢邊做野 周圍睇下LUNCH食邊間好 其實呢個位置都幾多食店 HAHA.最中意試新野GE我 見呢間招牌幾靚又光猛 就比佢吸引左黎試下佢主打應該係海南雞(?) 我見D人都多數叫雞食~但我果日想食CURRY.所以我就叫左個海南椰香咖喱牛腩飯. 咖喱味幾香濃. 帶點椰香味. 但牛腩就唔夠淋喇.. 都幾硬下我食果幾舊..如果再黎食就會試下食海南雞喇^_^ 價錢都相宜. 港島區黎講好抵食了~ 鋪頭睇得出都幾用心做的.呢間GE 飯有三種：白飯/油飯/菜飯供客人選擇~~仲有湯送~~

有左懵懵之後，個人懶左，而且中左招之後，報復式消費，夜晚諗唔到煮咩嘅時候，都會買啲外賣返去加料。咁樣可以偷懶，煮少過餸。半隻無骨海南雞（$85）最鍾意佢啲肉夠晒滑，又彈牙，而且唔會有雪味。而且雖然去咗骨，但啲肉都幾重手，夠晒份量。兩個人食，返去煮多個菜，煲少少飯啱啱好。推薦度（10👍🏻滿）：7.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：7⭐️地址：北角書局街11號地舖

每次返工都一定會諗定lunch 要食咩好, 每次見到同事都會食瓊媽媽, 搞到我都心郁郁就去試試佢啦無骨海南雞飯知道已經出名海南雞飯, 肉質嫩滑, 白飯口感對我來講有少少硬, 因為叫左套餐關係, 有例湯, 好甜,深海魚柳飯配白汁兩塊完整上盤, 下邊仲有薯仔配料,白汁稍微有啲味精多, 食完要飲好多水最後發現, 原來外賣平過堂食下次都係叫外賣好了環境來講, 細細間一個舖頭仔, 好似快餐店咁, 容納大約20個人左右, 所以建議都係叫外賣會最好