雪糕達人 (已搬遷) 新店位置

真系好耐冇见过啲咁抵嘅雪糕啦。估唔到喺西九会有价钱如此平民，但质素咁高嘅雪糕。呢度系5球雪糕，配个窝夫筒，但价钱只系……只系……只系要$20咋！！真系平到冇朋友。净系睇外观已经赢咗。插一块oreo俾你，上面再放咁多朱古力针同朱古力酱，仲有一片仔嘅薄荷叶，靓爆啊！5球雪糕，分别系：曲奇、士多啤梨、荔枝、朱古力同椰子。味道方面奶味都比较重，但系都食到每只味应有嘅味道。我觉得朱古力真系比较浓。其他都属于正常水平。窝夫筒都系脆嘅，唔会淋。整体都唔错！呢个价钱，咁嘅质素，cp值太高了！！