盛記粥麵

营业中

休息中

一向都好喜欢吃香港粥店，尤其系及底粥今日嚟到旺角花园街呢一间超级多人食嘅粥店叫咗两个套餐，超抵食状元及底粥里面材料超级丰富，几乎全碗都系料，有猪腰，粉肠，猪润，猪肉丸，猪肚等等，调味亦都啱啱好唔会觉得好重味精，粥底相当之绵蜜另外小食叫咗个葱花虾米炸两，里面嘅油炸鬼非常之脆脆，配搭埋表面嘅葱花虾米超级香，食足一定要食炸两呢个组合冇得输！另外最值得一赞嘅系佢哋嘅招牌薏米水，平时一般薏米水会配搭柠檬，但系佢哋嘅薏米水竟然配搭姜，超级啱而家呢个寒冷嘅天气，而且甜度适中，饮落去超级超级舒服！下次嚟一定会再试埋佢哋嘅云吞面