牛牛日式火鍋放題 (海之戀商場) (已結業)

前𠮶排同同事吹水问吓佢最近食咗乜好野，佢就话食咗间好抵食嘅火锅放题，咁啱又约咗好姊妹叙旧㖞，所以就决定去佢讲呢一间火锅店食嘢。朋友就叫咗一个药膳麻辣锅，唔食辣嘅我闻到已经觉得好香辣，佢就话辣得嚟都几重药膳香味，中和左后都唔会话辣到好辛苦。我就正正常常叫返个关东寿喜烧锅，好有日式风味，都有少少甜豉油嘅香味，唔算太heavy ，不错。海鲜、肉类、炸物、小食、甜品、沙律！哇估唔到真系乜都有齐🥹最正同最想推介嘅就系佢哋啲肉！咁多款牛肉我最钟意食牛胸腹，牛味超级香浓，肥瘦适中。之后有惊喜嘅就系澳洲绿草原羊肩肉，估唔到肉就鲜嫩，仲要一啲羊嘅臊味都冇！