Parkview (新都會廣場) (已結業)

一向都食开沙田嘅 park view, 葵芳分店嘅未试过，就同朋友试吓。晚餐 menu 先嚟餐包同蘑菇汤，餐包都算几热，但个汤麻麻哋，饮落无咩味，好似水... 第一个晚餐叫咗 - 蒜香白酒罗勒蚬肉扁意粉，蚬肉只系得好少，好多都系盖 （下图）；扁意粉尚算有味道，还可接受。另一个，系三重芝士小龙虾肉意大利饭，小龙虾肉都尚算可以；但根本无三重芝士嘅味道，而且热度唔够，感觉好怪.. 小食要咗- 香炸鸡翼，无咩惊喜，而且外面嘅脆片一拿起就跌到周围都系员工态度麻麻，介绍餐牌净系讲好抵食、二人餐最好.... 总括而言.. 下次都唔会再去。