影片
更多
2019-12-20
4094 浏览
因为同事强力推荐呢间餐厅💪🏻💪🏻, 所以搞到我都好期待去呢度食。早几个星期前约埋班同事一齐去试, 点知午市好旺场, 去到既时候已经full house😣。于是今次我地原班人马早早Book定位, 卷土重来! 店员会系订座日前一日打电话confirm booking, 佢地打黎既时候, 咁岩我开紧会miss左call, 佢地既处理手法系会用voice message☎️留言俾我, 等我得闲就覆佢地电话。我觉得咁样做几贴心, 起码会尊重番客人既时间, 唔会疯狂打电话黎揾我!👍🏻餐厅以黑⚫️白⚪️两种颜色为主调, 中心位置就系开放式厨房同埋吧枱, 而沿住墙身同窗口就系卡位。由于餐枱既数量唔算好多, 所以客人同店员走动既空间会较多, 令人感觉都无咁逼同焗促, 坐得好舒服。虽然用左开放式厨房, 但我地食完野离开餐厅时, 个身都唔觉得有油烟味, 证明佢个抽风做得唔错!👍🏻呢度有lunch menu, 不过入面唔系set lunch。汤🥣, 沙律🥗, 主菜同甜品🍮都有独立价钱, 系 a la carte menu。主菜价钱由 $108 -$288 不等, 而最贵果款龙虾意粉🦞🍝需要一日前预订先有得食, 不过
餐厅以黑⚫️白⚪️两种颜色为主调, 中心位置就系开放式厨房同埋吧枱, 而沿住墙身同窗口就系卡位。由于餐枱既数量唔算好多, 所以客人同店员走动既空间会较多, 令人感觉都无咁逼同焗促, 坐得好舒服。虽然用左开放式厨房, 但我地食完野离开餐厅时, 个身都唔觉得有油烟味, 证明佢个抽风做得唔错!👍🏻
呢度有lunch menu, 不过入面唔系set lunch。汤🥣, 沙律🥗, 主菜同甜品🍮都有独立价钱, 系 a la carte menu。主菜价钱由 $108 -$288 不等, 而最贵果款龙虾意粉🦞🍝需要一日前预订先有得食, 不过价钱有D贵, 所以我地都系叫番比较普通既菜式😂😂
餐包
餐包
302 浏览
0 赞好
0 留言
面包四四方方, 外面脆口但入面松软。虽然系跟餐送既, 但都好好食, 一d都唔马虎。碟既一边放左一小碟黑醋同橄榄油, 另一边则有sour cream, 可以随意用黎沾面包一齐食。三款之中我比较中意沾黑醋, 酸酸地加上面包原来的甜味, 两者好夹。而且佢既黑醋好似比出面既醋稠身少少, 唔会好稀, 几特别。
Risotto with Eggplant, Minced Pork and Chilli
意大利式鱼香茄子饭($128)
Risotto with Eggplant, Minced Pork and Chilli
$128
278 浏览
0 赞好
0 留言
呢个Risotto系我点既, 拣佢既原因系因为我本身好中意食鱼香茄子煲 (基本上去亲大排档都会叫), 但系意大利版既鱼香茄子, 真系未试过, 未听过, 所以决定试一试佢! 呢个系首先上枱既款式, 店员拎过黎既时候已经闻到好香, 望落去第一眼都几surprise👀, 因为同我印象中既鱼香茄子差好远 😆 灯黄色既risotto睇落好稠身, 肉碎同茄子丝分布平均, 而且饭粒好饱满, 整体卖相好吸引。
食落去第一啖就食得出煮法好正宗, 饭粒既口感同坊间一般餐厅既risotto好唔同。街外既餐厅有95%既risotto入面, 饭粒咬落去系全熟, 口感软林林；而呢度既risotto既饭粒咬落去有种半粉笔既口感, 比粘米硬但弹牙, 而米既中心系煮到仅仅生的, 煮法好正宗! 由于饭粒面头沾满酱汁, 所以除左有咬口之余, 仲好湿润, 咬烂D饭粒仲可以底汁既香味, 真系好好食!🤤😋
个底汁对比起大排档既鱼香茄子黎讲, 佢无左果种鱼既咸香同埋咁有镬气。但系仔细食落去又真系有少少减咸版既鱼香茄子味, 好似食紧份子料理咁 😂😂
Handmade Tagliolini Carbonara ($168)
Handmade Tagliolini Carbonara
$168
232 浏览
0 赞好
0 留言
男同事叫左主餐牌入面既carbonara, 因为佢听讲话呢度既carbonara好出名好好食。上枱时我差D哗左出声, 因为我未见过carbonara既颜色可以咁靓咁金黄! 🤩🤩 虽然意粉既份量唔多, 但我都好厚面皮咁R左一啖黎试 😛 真系好好食呀!!!! 未食过咁浓咁香蛋黄味既carbonara, 同埋食得出面条系手造既, 比出面一般既意粉弹牙同香好多, 而且仲好挂汁添。另外酱汁既浓度调制得岩岩好, 香滑得黎唔系一pat pat, 而且酱汁完美地包住每一条意粉, 正到晕! 🤤🤤🤤
唯一美中不足既只系佢个份量, 实在太少了, 男同事食唔饱 😅 好在有之前既餐包顶一顶, 如果唔系就要另外买下午茶食了 😂
Handmade Fettucine with Scallop, Nduja, Green Olive
带子配手造意大利宽面, 辣肉肠, 青水榄 ($168)
Handmade Fettucine with Scallop, Nduja, Green Olive
$168
166 浏览
0 赞好
0 留言
另外两位同事点左呢个餐, 我无试到, 不过佢地异口同声咁赞好食。意粉宽身, 几好咬口。带子鲜甜, 用料好好!
冻柠茶
冻柠茶
152 浏览
0 赞好
0 留言
今日打呢篇食评既时候, 岩岩出左2020年度香港米芝莲结果, 介绍我黎呢间餐厅既同事话Involtini再次榜上有名! 好劲! 👏🏻👏🏻👏🏻 证明呢间餐厅无论系用料定食物质素都好好! 而且佢仲系香港人「米猪莲」小店😏! 果然无介绍错! 虽然价钱偏贵, 但味道绝对对得住个价钱! 间唔时食一次奖励下自己都几好! 💪🏻
张贴
