牛品台式火鍋

营业中

休息中

我同朋友都好钟意食火锅，因为食火锅可以边食边吹水。然后我哋发现咗呢间台式嘅火锅餐厅，放题120分钟，所有嘢食都系任食，无限任食美国顶级牛肉，西班牙猪肉，仲有其他台式美食，真系物超所值。汤底我哋首选牛品麻辣锅，我哋都好钟意食辣，所以呢个麻辣锅令我哋食得好满意。【肉类】-美国顶级肩胛肉-西班牙栗饲猪五花-美国牛胸腹-新西兰羊卷肉-西班牙栗饲猪梅肉佢哋嘅肉类色泽都好靓，充满大理石纹嘅油花而且分布均匀。特别钟意美国牛胸腹，脂肪较多令到佢口感较为Q弹，肉汁味道相当突出。仲有新西兰羊卷肉，肉味清香带甜，羊膻味唔太重，正！【花雕酒鸡件】- 酒味甘甜醇厚，鸡肉鲜嫩无比。【麻辣鸭血】- Q弹滑嫩好口感，麻辣嘅味道十分入味。【椒盐虾】- 口感非常酥脆，香味十足。【炸午餐肉】- 午餐肉鲜美多汁，口咬落去外面嘅皮酥脆香软，越嚼越香。