米籽 (新屯門商場)

营业中

休息中

爸妈两老第一次去间餐厅时，见人人落原单都有张单放枱面，走时会拎张单去比钱，但佢两个无张单怕一阵比钱会乱，就顺口问下，有个年轻侍应大声回答「一阵比钱咪有啰，使唔使咁紧张呀！」有无搞错呀，问下都要比你闹。第一次食物还好，不过不失。第二次去仲离谱，两老试左用电话落单，但见唔到佢地想食𠮶个套餐(可能唔太识用电话啦)，所以请人来落单，侍应话一阵过来落。等左10几分钟，个侍应已经忙完手上工作，都唔来落单。我妈再请佢帮手落单，佢又大大声咁讲「依度自己落单架！」今次爸妈无再忍喇，立即离开。唔会再去依间餐厅！真系好离谱，唔系要5星级服务，只系要求正常有礼大家互相尊重。好多老人家都唔识用电话落单，唔一定系佢地唔肯学，而系唔一定一学就识，爸妈去过好多餐厅，无试过会有侍应唔帮长者人手落单。而一间餐厅有啲咁无礼嘅员工，一定系关个老板或者经理事，咩人就请返咩人。唔会再帮衬。