海街丼 (E-Max) (已結業)

已经好耐无黎过E-Max食野，一黎地点唔就脚，二黎无咩店舖行街，三黎无咩人流好啦！咁屋企人上网揾到呢间日本野，睇到OR d食评都讲得唔错，所以试下啦！我地叫左：酱油菠菜 $28唔好以为睇相都大碟，实质只碟同我手掌唔计手指位差唔多大，佢一上枱我地4人对望，我谂一个人食都唔够撩牙!由于有两位比较细食，所以叫左3个丼饭海宝丼（特上）$210 呢个丼饭又系不得了，除左你见到上面完整既有海胆2旧半，蟹肉，带子，甜虾2只，三文鱼子，其余铺底既就系角切鱼粒，青瓜，鳗鱼丝，蚬肉，熟带子丝首先全碗野除左海胆同三文鱼子，无一样系鲜味，都唔知食紧乜野，淡茂茂，蟹肉无味，果2只虾仲细过我去放题食，我出面食个角切鱼生饭都系几十蚊，就算加埋你呢两旧海胆唔使两旧水吧唯一可以赞下既系个啫喱醋，加落d饭食好食好多，有番d味炸油甘鱼 $60呢几旧野比我想像中大旧，不过都系唔好食，炸都好干麻酱吞拿鱼 $58又系无鱼既鲜味，麻酱亦无味 埋单$853人均$210，但食d咁既质素，我宁愿食放题啰！呢间野唔会再有下次！