八時神仙草 (歌賦街)

营业中

休息中

之前成日经过尖沙咀间【八时神仙草】见都要排队，今次经过中环分店见人流比较少就去试左啦。店铺位置较少，所以繁忙时间都有机会要等。抹茶焙茶奶盖雪花盛盘：见差不多台台都叫呢个，梗系要叫啦。个雪花冰超级特别，系用仙草整成，啖啖都系仙草香味。同抹茶雪糕同焙茶奶盖都好match。而底下有仙草冻，非常滑嫩。旁边盛盘仲有芋圆、地瓜圆、白珍珠、红豆同紫米。全部都真材实料，味道香浓。圆仔芒果嫩仙草盛盘：仙草分量好多，圆仔有D似白玉，可能芒果唔系季节所以唔算太甜，但都算唔错。再加芒果酱，非常特别、清新爽口。焙茶仙草冻奶茶+桃胶：焙茶味超级浓、再加奶完全唔会觉得好水。料本身有仙草、白珍珠，好有咬口，自己再加桃胶，分量都好多。不错芋泥西米奶冻：芋泥唔会太甜，芋头味道香浓，奶冻同西米又几特别同几match。佢地既烧仙草同其他既与别不同，系高温加热既时候系液体状态，但稍微放凉后则会慢慢凝结成冻。因为八时仙草为左减少外来添加物不添加碱，反而系靠著仙草干本身释放出黎既胶质同熬煮八小时凝结成冻。所以口感非常嫩滑。