阿里郎熱狗棒 (已結業)

去韩国时食过嘅街头小食炸芝士热狗真系超级好味，点知原来旺角都开左间炸芝士热狗小食店！就喺波鞋街附近咋！拿拿临去食下先！ 水牛芝士拉丝热狗棒 $32其实好想食薯条芝士肠热狗棒，不过都系想再试一次水牛芝士拉丝热狗。喺韩国食过真系超级挂住！店内所有热狗棒都系即叫即炸，要等5-8分钟左右，但值得等架！热辣辣仲脆卜卜！点完餐果然睇住店员立即炸！set好时间先炸唔会过硬，够钟立即拎起！我今次拣左加糖，所以冇落到酱。如果食肠仔果D款我会加好多好多茄汁同芥辣。味道果然同喺韩国一样，热辣辣嘅面包包住暖暖嘅拉丝芝士，又香又滑！推介！  辣味鱼糕  Spicy Hotbar $24唔想咁炸，鱼糕一样好味，我点左辣味唔系好辣。