影片
更多
2010-05-18
456 浏览
我自细屋邨长大，对于每日都望住嘅冬菇亭大排档，特别有感情。香港剩余嘅冬菇亭大排档已买少见少，而当中亦有唔少令人回味嘅食肆，所以大家有机会的话，点都要去试下...黄大仙下邨嘅利丰打冷小厨喺九龙区都几出名，大家坐港铁到黄大仙站C2出口，再向左行唔驶两分钟就见到冬菇亭，好方便！虽然利丰以打冷小厨为名，但佢地最强嘅反而唔系潮州打冷，而系港式大排档小菜...潮州蚝饼($35) - 呢度嘅蚝饼第一个感觉就系唔油腻，而且饼身好有层次，极有咬口，加埋大量新鲜蚝仔，难怪成为利丰名物之一，个人觉得唔蘸鱼露食更正，大家不妨试下~！椒丝腐乳炒通菜($30) - 呢味分分钟系大家去大排档必叫，而呢度通菜份量足，颜色嫩绿，咬落无渣，绝对系正菜！腐乳落得唔会太重手，味道啱啱好，所以食多几条菜都唔会觉得口渴～！菠萝生炒骨($48) - 如果我话呢个系全港最好食嘅生炒骨，大家都可能觉得夸张，但唔信的话即管黎呢度试下！酸汁味道恰到好处，生炒骨外层炸得香脆，肉质咬落松化，软骨仲要爽口到爆，咁够镬气嘅一碟生炒骨，去边度揾？椒盐鲜鱿炸大肠($58) - 就算去东宝又好金利来又好，椒盐鲜鱿都唔够利丰整得咁淡口，但唔代表利丰嘅唔好
黄大仙下邨嘅利丰打冷小厨喺九龙区都几出名，大家坐港铁到黄大仙站C2出口，再向左行唔驶两分钟就见到冬菇亭，好方便！虽然利丰以打冷小厨为名，但佢地最强嘅反而唔系潮州打冷，而系港式大排档小菜...
潮州蚝饼($35) - 呢度嘅蚝饼第一个感觉就系唔油腻，而且饼身好有层次，极有咬口，加埋大量新鲜蚝仔，难怪成为利丰名物之一，个人觉得唔蘸鱼露食更正，大家不妨试下~！
椒丝腐乳炒通菜($30) - 呢味分分钟系大家去大排档必叫，而呢度通菜份量足，颜色嫩绿，咬落无渣，绝对系正菜！腐乳落得唔会太重手，味道啱啱好，所以食多几条菜都唔会觉得口渴～！
菠萝生炒骨($48) - 如果我话呢个系全港最好食嘅生炒骨，大家都可能觉得夸张，但唔信的话即管黎呢度试下！酸汁味道恰到好处，生炒骨外层炸得香脆，肉质咬落松化，软骨仲要爽口到爆，咁够镬气嘅一碟生炒骨，去边度揾？
椒盐鲜鱿炸大肠($58) - 就算去东宝又好金利来又好，椒盐鲜鱿都唔够利丰整得咁淡口，但唔代表利丰嘅唔好食，只系相对地唔会觉得咁热气，一向怕热气嘅朋友不妨可以浅尝一下。至于大肠就炸得够香，味道亦唔错，但我就略嫌太厚身，食到有啲口攰...
豉椒炒蛏子($45) - 好多人去大排档都中意叫豉椒炒蚬，不过我就对炒蛏子更加情有独钟。蛏子劲大只又肥美，只只都有成只手指公咁大只，而且豉椒味相当香，配埋鲜味十足嘅蛏子真系正到爆！如果大家下次呢度蛏子卖晒的话，先至考虑炒蚬吧～哈哈！
张贴
