SuperNormal (淘大商場2期)

营业中

休息中

今日约左朋友系九龙湾食饭，朋友推荐呢间西餐厅，话好好食，所以收工就过左去淘大花园～系淘大都兜左一轮先揾到间铺。。。好鬼大，又多唔同野食。因为我地都算早，7点前过到黎而且book左枱，愈食就愈full。。。就算平日夜晚黎都最好要book定枱安全啲呀！我见餐牌其实唔算好多选择，主菜，饭，意粉之类，每种都系得几款。反而又系cocktail个页比较吸引我，不过今日唔想饮酒，下次先试～因为唔想谂既关系，我地拣左食二人餐。先黎日本池鱼仔，佢炸得好香脆，外面干身，唔会觉得油腻。调味ok，少少咸，其实都够哂味。跟住系法式牛肉批，本来想食沙律既，但见未试过呢个牛肉批，所以就拣黎试试。个馅既牛肉都几特别，佢似系将牛肉调味之后打成蓉整既。味道同口感都几得意，带少少香草味，又有啲似肉饼。不过酥皮麻麻，太淋了。食完两个前菜之后就黎左汤同餐包。是日餐汤系南瓜汤，南瓜味几重，入口算滑，但入面仲有少少南瓜蓉，我几钟意呢个汤。包方面够热，中间位仲系软熟，而且系蒜蓉包黎添，好食！主菜我地拣左香草薄荷汁焗法式烧羊架，呢个好好食！我拣左7成熟，佢煮得岩岩好，肉质又好，唔会鞋，仲有啲弹性。而且佢羊既膻味系比较重，呢点我好钟意。