加勒比海餐廳 (已結業)

一行八人晚饭加倾计，拣选了这家好耐以前帮趁开的楼上咖啡室 － 加勒比海…点了晚餐肉酱意粉及冻 MOCHA，肉酱意粉送到时心想…好似平时食开的波仔 － 份量当然无波仔咁多了。轮到饮品，间舖既然叫得做 CAFE，咖啡照计唔会差得去边，好可惜呢个观念系错o既！望住店员送上的一杯奶白色的冻 MOCHA 已心中一沈，啜一啖，感觉好似饮紧一杯洗唔干净，仍残留住上手饮完带点淡淡咖啡味的冰冻洗杯水，唉…食物差劲，饮品又唔得，店员态度会唔会好少少？对唔住！唔会！朋友到柜面拣 CUT CAKE 时笑笑口问店员：“呢只好唔好食架？” 店员悔气地回答：“洗唔洗比你试下？” O 晒咀…其实求其回覆一句：“几好食架…” 系唔难架㖞？点解硬系要拣唔好听果句黎讲？无样好…咁衰极都仲叫有网上卦？谁知… WIFI 系攞唔到 IP o既…究竟点解以前好地地的一间 CAFE 会变成咁？