珺

营业中

休息中

平时系少食斋，唔知原来香港有啲咁高质既斋食，呢个珺口啤好好，带妈妈去食，食得好开心，除咗啲菜摆盘好靓之余，碟碟菜式都好有惊喜，啲味道好食到妈妈都赞不绝口。餐厅有好多菜式都唔识叫，服务员对菜式非常熟悉，推荐左几道菜比我地拣。黑虎掌炖鸡油菌炖汤一上菜，以为上错左个茶比我地，原来个茶壶入面系热辣辣既炖汤，汤超热，里面仲有几种菇同莲子，个汤非常浓。鸡头米双色淮山配青汁里面包住几种淮山，啲汁几浓，配埋本身无乜味既淮山一齐食岩岩好。玫瑰叉烧服务员话基本上个个都会叫呢碟，咁我地又跟住叫。个样真系整到好似叉烧，连个味都好似，但食左好多块都唔觉得油腻。香脆意大利夜明珠配绣球菌青汁最有惊喜都系呢碟risotto，切开个球入面都系饭，饭唔会太硬，上左菜要尽快食，因为个皮好脆，放耐左会淋。而个绣球菌第一次见，感觉好爽口，唔似食紧菇，个人推荐呢碟主菜。