大戶屋

营业中

休息中

黎过呢度食好几次，次次都等得几甘下，特别系因为呢区家庭客超多，好多人都推埋BB车过黎，非常热闹，通常都要等最少半粒钟先有位，不过因为佢个五花腩定食，令我无论等几耐都仍然愿意等。每次坐低都会例牌翻下个餐牌，不过最后始终都系order五花腩定食，因为实在太太太滋味~今次再order时侍应好有心提醒：「会有d肥」，哈哈，我就系钟意佢肥肥d酒脂四溢，入口超松化，而有兜好细嘅酱，侍应会同你讲系用黎点沙律的，但每次我都会改为点五花腩，觉得好夹又好好味，食食下唔觉唔觉碗饭就KO咗，好开心呢度有免费添饭服务，啱晒我呢亭大食王，个定食仲有埋前菜、沙律、面豉汤同炖蛋，满足到晕！同行朋友叫左个面豉吉列猪扒定食，我试过佢个汁，好浓好惹味，见佢又添饭，就知道有几Yummy~佢话d猪扒好香脆，越食越开胃！