Asobu Bistro (已結業)

之前其实都食过一次喇，不过就忘记左写食评，今次再食就一定要推介！今次我就叫左鳗鱼蛋包饭，佢嘅蛋包饭系即叫即整嘅，所以等嘅时间会比较耐。个蛋拎到出嚟仲会弹下弹下咁，好搞笑！食嘅时候开蛋中间啲蛋浆就会流落嚟包住啲饭，食落口蛋浆同啲饭溶为一体，正！我好中意佢个蛋浆好滑入面有少少洋葱，冇青豆同萝卜粒。至于佢个鳗鱼味道唔错但略嫌太多骨，好易会呛到，但系鳗鱼汁捞埋落蛋浆到加埋啲饭一齐食好有层次。上次就食左个咖喱猪扒有埋咖喱汁捞埋落蛋浆到加埋啲饭一齐食都唔错呀，绝对系食辣人士之选！蛋包饭嘅份量都几多，女仔食可能会食剩少少嘅。佢舖头唔系太大，好多时都要等位，所以最好早啲去等位，唔系就会饿死😂