Ssoja Toast & Hotdog (逸東酒店) (已結業)

成日听人讲韩国既toast店好正，可惜一直都无机会去韩国，今次听倒呢间韩国过江龙开左黎香港，即刻去试下😍餐厅位于佐敦逸东酒店内地库一楼既FoodHall，一落楼就见倒，透明玻璃可以睇住整多士既过程，好治愈架！主打多士同热狗，多士接近有十款咁多🤩平日黎仲有combo好抵！韩式汉堡扒拉丝多士🥰睇相都见倒层芝士系几咁厚！多士烘过再加上牛油，好香脆。咬落啖啖芝士，再配埋汉堡扒、椰菜丝，烧汁同韩式酱汁，绝配！汉堡扒好juicy，而且好大块，每啖都会食到🤤香蕉芒果雪酪，一饮落去香蕉味好浓，再饮多两啖都饮到芒果既微酸味，好清新！夏天饮岩哂！食完多士加埋杯奶昔饱肚感十足😋