616牛肉火鍋專門店 (三陂坊) (已結業)

打边炉醒靓牛肉是常识吧😌 不过而家物价通胀，好多地方食靓少少嘅牛都要几百蚊🥲 今日朋友带我黎呢间有好多分店嘅616牛肉火锅专门店，竟然唔洗一百蚊就叹到日本直送嘅信州和牛🤯 咁抵嘅deal一定要去试下啦！鸳鸯沙嗲牛汤底🍲($82) - 先拣汤底，我地拣左沙嗲醒牛肉汤底。牛肉汤有啲似平时清汤腩个汤底咁，几清甜。沙嗲汤有惊喜😍 佢系极浓郁，有啲似出面食沙嗲牛肉面嘅酱汁咁，d沙嗲挂哂落d食物度，必食推介👍🏼👍🏼👍🏼信州和牛肩胛🥩($78) - 重点推介嘅信州和牛！开头见价钱咁平都谂会唔会有伏，答案系完全唔会！斋睇外表已经觉得油花好均匀，用牛汤616可以食到香浓牛味，用沙嗲渌就系超高质嫩口嘅沙嗲牛🥰 满满嘅幸福感❤️花雕醉牛🥩($48) - 醉鸡就食得多，醉牛少见！佢系好似生滚牛肉粥𠮶啲滑牛，浸落花雕有轻微酒香，都几好味😋其他打边炉材料仲叫左牛筋丸，牛肉饺，虾滑，乌冬等，每样都系$20-60蚊，抵食！如果你都系拣沙嗲汤，推介你叫佢地嘅手打乌冬，好夹！最后埋单时发现，竟然唔需要加一，2个人食成10样野都唔洗$500，性价比超高，下次要多几个人一齐食多几款牛😋😋😋