洋食商店 (喜遇)

营业中

休息中

经朋友推介之下，特登出到长沙湾黎洋食商店开餐😛佢系一间西日居酒屋，食物种类选择都几多，今次我地嗌左招牌锅物料理二人餐($498)，个SET包括有锅料理、刺身拼盘、小食两款、炖饭无论由门外到店内，都睇得出好悉心装饰嘅日式风格，环境几有气氛几好FEEL🥰刺身拼盘：有甜虾、三文鱼、带子、油甘鱼等数款刺身，食材新鲜鲜甜，唔会有雪藏味😉锅料理：呢到职员会即场帮手料理，唔使怕煮得过熟浪费左D食材😄我地拣左岩手县和牛&顶级美国极黑牛颈脊寿喜烧黑松露炖饭(+$50)，可以一次过品尝晒2款牛肉😎岩手县和牛同极黑牛颈脊肉质鲜嫩，入口即化，配埋寿喜烧嘅甜美酱汁，再沾上浓郁嘅蛋液黎食，非常满足🤩日式蔬菜拼盘：煮完牛肉之后，就到蔬菜拼盘，有蟹味菇、冬菇、豆腐、娃娃菜、洋葱、京葱等，蔬菜吸左寿喜烧汁嘅味道，滋味无比😋炖饭：接落黎再煮埋黑松露炖饭，将本身碗汤饭煮得陆续收水，变成酱汁状态之后就食得，闻落去本身已经劲香，入口浓郁嘅松露香同炖饭嘅鲜味真系完美结合，令人回味无穷😋小食可以拣两款，我地拣左爆谷鸡同和牛可乐波配黑松露酱爆谷鸡：份量比想像中多，外脆内嫩，咸香味十足，仲有3种酱可以点配黎食，食落去一啖接一啖，停唔到