影片
更多
2018-01-18
370 浏览
宝琳近来进驻咗好多新开既食肆，不过唔少都系连锁店，难得有间泰菜开张，所以每日经过都见有好多人排队。虽然系下午茶时间，但门口都系多人到好似午市咁，我地等左大约20分钟先有位。下午茶既menu款式比较多，但份量就比较少，有多士﹑细既汤河或炒粉面饭咁，由三十几到四十几不等，而午餐menu就正常份量，再加一个小食同汤。我地叫左一个海南鸡饭，一个黄咖哩烧猪颈肉配蒜蓉包，由于马拉盏炒通菜卖晒，我地拣左青木瓜柚子沙律做小食，汤就拣左比较少见既椰子鸡汤。椰子鸡汤一放上台就喷到好大阵椰子味，呈奶白色，但饮落香茅味重过椰子味，而且酸酸地，似白色既冬荫功汤，不过唔辣，同想像中非常唔同。可以话系小朋友version既冬荫功汤咁。而饮品加六蚊就可以转特饮，我就叫左珍多冰，椰汁好够好浓，唔似出面咁沟好多水，不过就太甜了，我另外问店员拎左杯水加落去，下次我会叫小甜。杯底既珍多都几有口感，但都系同一个问题，太甜。店家真系落得太重手了。主角之一既海南鸡饭就附上一碟酱汁，睇落系自己调配而唔系现成既汁，因为酱入面都几多香料，亦有新鲜既辣椒同香茅。鸡亦切到无骨，都几滑溜，就算鸡胸都唔会鞋口。但饭就比较普通，个黄色主要由黄姜粉
虽然系下午茶时间，但门口都系多人到好似午市咁，我地等左大约20分钟先有位。下午茶既menu款式比较多，但份量就比较少，有多士﹑细既汤河或炒粉面饭咁，由三十几到四十几不等，而午餐menu就正常份量，再加一个小食同汤。我地叫左一个海南鸡饭，一个黄咖哩烧猪颈肉配蒜蓉包，由于马拉盏炒通菜卖晒，我地拣左青木瓜柚子沙律做小食，汤就拣左比较少见既椰子鸡汤。
椰子鸡汤
20 浏览
0 赞好
0 留言
椰子鸡汤一放上台就喷到好大阵椰子味，呈奶白色，但饮落香茅味重过椰子味，而且酸酸地，似白色既冬荫功汤，不过唔辣，同想像中非常唔同。可以话系小朋友version既冬荫功汤咁。
珍多冰
15 浏览
0 赞好
0 留言
而饮品加六蚊就可以转特饮，我就叫左珍多冰，椰汁好够好浓，唔似出面咁沟好多水，不过就太甜了，我另外问店员拎左杯水加落去，下次我会叫小甜。杯底既珍多都几有口感，但都系同一个问题，太甜。店家真系落得太重手了。
海南鸡饭
26 浏览
0 赞好
0 留言
主角之一既海南鸡饭就附上一碟酱汁，睇落系自己调配而唔系现成既汁，因为酱入面都几多香料，亦有新鲜既辣椒同香茅。鸡亦切到无骨，都几滑溜，就算鸡胸都唔会鞋口。但饭就比较普通，个黄色主要由黄姜粉吊出来，食唔到鸡油味，但一个正宗既海南鸡饭，油饭系灵魂人物，冇鸡油既饭点叫油饭？而且饭身比较湿，比较失望。
黄咖哩猪颈肉配蒜蓉包
23 浏览
0 赞好
0 留言
黄咖哩烧猪颈肉配蒜蓉包，黄咖哩都几大兜，入面仲有两件薯仔，咖哩汁都几浓稠，绝对冇因为食耐左而变稀，但可惜唔辣，系偏香港人口味，椰香味都重，夹埋蒜蓉包食都几好。最惊喜既反而系猪颈肉，食落表面有炭烧味又有肉汁，同埋够juicy，不过就比较肥。蒜蓉包就牛油味比较重，重口味人士会几钟意。
青木瓜柚子沙律
31 浏览
0 赞好
0 留言
至于青木瓜柚子沙律反而有惊喜，青木瓜丝同柚都够冻，柚子冇酸涩味，仲几fresh几清甜，而且加埋虾米碎同花生碎，咸咸香香，非常香口。个沙律汁就鱼露味比较重，可以再酸甜ｄ。
埋单两个人$92，算ok啦。
PS, 不过场内人手不足，食物都等左好一阵子，而且侍应态度有待改善，如果赶时间既朋友就比较麻烦了。
张贴
