影片
更多
2021-10-14
184 浏览
我同朋友不時會交流美食情報，佢向我推介灣仔有間新開嘅🇰🇷韓燒店「貊炙」好正，而且仲自設工場熟成牛扒。講到咁吸引，我就訂咗枱星期日晚試吓。餐廳位處於新鴻基中心，離地鐵站都有好一段距離。不過一到步就發現環境幾正，室內燈光偏暗，裝修型格😎。同時，呢度座位闊落，毫無油煙味。我哋入座無耐、仲未點餐之際，店員就為我哋送上各式前菜小食。我會形容係未出發先興奮，哈哈🤣！前菜有芽菜、泡菜、小白菜、水泡菜同埋辣醬脆蟹🦀，我最鍾意後者，酥脆香口。韓式蒸蛋，之前喺其他地方食過，所以大概知道係點樣。🥚蒸蛋如梳乎厘一樣，質感非常鬆軟，好得意。此外，蒸蛋鹹香十足，加埋蔥同蟹籽蟹柳一齊食好搭調。菜式選擇繁多，幸好佢有提供套餐，大大減輕我哋嘅煩惱👍。我哋揀咗承惠每人$380嘅Steak Omakase Selected Cuts Set，肉類項目Set好咗，不過前菜同主食就有得揀。肉類拼盤包括四款肉肉🥩：是日熟成牛肉、熟成醬油牛肋骨、和牛羽下肉以及韓國五花肉。每款肉個樣都幾靚，食落亦覺肉味濃郁。🦴牛肋骨超大塊，可以剪成好多件。佢哋全部都醃咗味或者本身夠味，所以唔使沾汁食都OK。和牛三角($280)，店員推介我哋必食和牛
我同朋友不時會交流美食情報，佢向我推介灣仔有間新開嘅🇰🇷韓燒店「貊炙」好正，而且仲自設工場熟成牛扒。講到咁吸引，我就訂咗枱星期日晚試吓。
餐廳位處於新鴻基中心，離地鐵站都有好一段距離。不過一到步就發現環境幾正，室內燈光偏暗，裝修型格😎。同時，呢度座位闊落，毫無油煙味。
我哋入座無耐、仲未點餐之際，店員就為我哋送上各式前菜小食。我會形容係未出發先興奮，哈哈🤣！前菜有芽菜、泡菜、小白菜、水泡菜同埋辣醬脆蟹🦀，我最鍾意後者，酥脆香口。
韓式蒸蛋
12 浏览
0 赞好
0 留言
菜式選擇繁多，幸好佢有提供套餐，大大減輕我哋嘅煩惱👍。我哋揀咗承惠每人$380嘅Steak Omakase Selected Cuts Set，肉類項目Set好咗，不過前菜同主食就有得揀。
肉類拼盤包括四款肉肉🥩：是日熟成牛肉、熟成醬油牛肋骨、和牛羽下肉以及韓國五花肉。每款肉個樣都幾靚，食落亦覺肉味濃郁。🦴牛肋骨超大塊，可以剪成好多件。佢哋全部都醃咗味或者本身夠味，所以唔使沾汁食都OK。
和牛三角
$280
9 浏览
0 赞好
0 留言
題外話，燒烤爐嘅火力夠猛，受熱位平均🔥，所以啲肉燒得好靚，唔會燒乾或變老。
套餐包一款自撰朝鮮小品，六選一，我哋要咗價值最高嘅和牛他他🐮。他他賣相精緻，生牛肉肉質軟嫩無筋，配埋生蛋、紫菜、秋葵、蒜粒同雪梨絲一齊食，味道層次豐富。
熟成雪濃湯
10 浏览
0 赞好
0 留言
生菜包以及自家包飯醬💚，恕我哋有啲浪費，全程又燒又食，唔記得咗佢。如果鍾意用菜包肉食嘅就千奇唔好錯過啊。
甜品係焦糖軟雪糕🍦，味道屬正常水平啦。不過食完一堆鹹嘢，食返啲甜點都係好嘅。
最後，飲品我哋各自都嗌咗杯梳打🍹，分別係青檸檬同埋柚子檸檬口味，🍋檸檬界嘅代表。
總括嚟講，呢頓韓式晚餐超豐盛，我哋基本上食足兩個鐘冇停過，差啲仲阻住店員收工添😛。我見隔離枱有人慶祝生日，氣氛好好，而且更有機械人幫忙送蛋糕🎂，睇見都開心哦。
张贴
