Don X Sushi Generation (已結業)

楼面嘅哥哥都好nice,会因应食客嘅进食速度去上菜，令食物可以系最佳温度嘅时侯上菜。👍👍👍 刺身亦都好新鲜，第一次食油甘鱼系爽口，唔系谂gigi，左口鱼切得好晶凝剔透，不同平时裙边嘅弹牙口感，配埋个柠檬酱油好清爽嘅感觉，火灸八爪鱼，较为失色，但本身八爪鱼都系比较鞋嘅食材。寿司方面，油甘鱼同上好食，带子甜虾好甜好鲜，解冻做得好好，海胆冇苦味，但唔系企身海胆，所以冇咁靓。仲有一种鱼唔记得叫咩，但系鱼皮表面都烧过，有种淡淡嘅烟味，食落口有少少油脂，但唔会肥。主菜可以拣鱼生丼同乌冬，朋友嘅鱼生丼真心抵食❤，占左大半都系角切鱼生，小半系饭。我个乌冬相对失色，乌冬冇弹性，汤头偏清淡。另外，仲有沙律，面豉汤同甜品(绿茶忌廉大福，外层好重绿茶味，好味❤) 楼面哥哥又会主动加水，当日有朋友生日，又帮我雪住2个挞，之后仲上埋只靓碟送出嚟，真系好窝心!🥰原本以为会食唔饱，点知食到好饱，仲要样样都唔错楼面哥哥话10月25同26系佢地周年纪念，当日再去食会有coupon添。