影片
更多
2025-01-02
2144 浏览
Hugo’s位于尖沙咀凯悦酒店，系一间传统欧陆菜式嘅高级餐厅。餐厅装潢华丽，以天花吊灯，铁甲及长剑等作摆设，非常有气派。餐厅更配备一系列传统银器餐具，包括由胡桃木重新塑造法国餐具殿堂级品牌 Christofle 的两辆六十年代头盘餐车，为客人提供席前烹调，带来优雅嘅美食体验。💛餐前面包Bread Basket 有三款包，外脆内软嘅蒜蓉包，好香浓。比较硬身嘅法包，呢个我麻麻哋。最钟意佢嘅洋葱酥皮包，酥皮超松化，香口，入口大咸香，小小油腻，惊食唔到之后嘅主菜，所以都唔敢食晒。💛凯撒沙律 $225Caesar Salad厨师席前即时制作沙律，先调校好酱汁，再将生菜捞上。面包香脆，入口松化，烟肉香口，罗马生菜新鲜爽甜，酱汁酸甜到适中，洒上芝士及黑胡椒，非常开胃。💛焗金文毕芝士 $280Oven-baked Camembert芝士焗到好香，面层有蜜糖，𢳂上嚟系流心。芝士入口质感幼滑，超香浓，带有甜蜜蜜嘅蜜糖味。系面包上沾上芝士及露丝玛利无花果酱，果酱甜甜酸酸，平衡返芝士嘅味道，一口接一口。💛香煎鸭肝 $305Pan Seared Foie Gras鸭肝外皮微微焦香，入口酥脆，内里柔软嫩滑，鸭香味
💛餐前面包
Bread Basket
有三款包，外脆内软嘅蒜蓉包，好香浓。比较硬身嘅法包，呢个我麻麻哋。最钟意佢嘅洋葱酥皮包，酥皮超松化，香口，入口大咸香，小小油腻，惊食唔到之后嘅主菜，所以都唔敢食晒。
💛凯撒沙律 $225
Caesar Salad
厨师席前即时制作沙律，先调校好酱汁，再将生菜捞上。面包香脆，入口松化，烟肉香口，罗马生菜新鲜爽甜，酱汁酸甜到适中，洒上芝士及黑胡椒，非常开胃。
💛焗金文毕芝士 $280
Oven-baked Camembert
芝士焗到好香，面层有蜜糖，𢳂上嚟系流心。
芝士入口质感幼滑，超香浓，带有甜蜜蜜嘅蜜糖味。系面包上沾上芝士及露丝玛利无花果酱，果酱甜甜酸酸，平衡返芝士嘅味道，一口接一口。
💛香煎鸭肝 $305
Pan Seared Foie Gras
鸭肝外皮微微焦香，入口酥脆，内里柔软嫩滑，鸭香味浓。面层放上青苹果，并以香橙皮加入法国甜酒汁，配上脆法式软包，中和整个油腻感。
💛龙虾汤 $255
Lobster Bisque
厨师推出银车，于席前表演火焰烹调龙虾汤。
忌廉白兰地酒龙虾汤先炒龙虾肉，倒上白兰地，好惹火🔥加入龙虾汤，再以忌廉点缀。龙虾汤特浓，入口香浓幼滑，带有白兰地酒香味，略嫌咸咗少少。龙虾肉得两旧仔唔够喉，肉质有啲韧，似乎煮得过火了。
💛烧美国顶级牛肋骨肉 (450g) $810
Roasted US Prime Rib of Beef
必点菜式，建议提前预订！
厨师会席前喺银车切片，份量好大
肉色超红润，好靓色，肉汁不断流出来🤤
肉质柔软稔身，牛肉味香浓，好juicy~正到颠
牛扒边沾满黑椒围边，咬落偏咸辣口。
伴碟有香脆嘅Yorkshire Pudding，沾满牛肉汁精华，另有香浓牛油味薯蓉，入口奶滑，软绵绵。
💛法国葡萄园养殖鸡 $565
Vineyard Raised French Chicken
以红酒烩鸡腿及香煎鸡胸，卷成圆柱状，鸡肉软滑，保留肉汁，唔嚡唔韧。
配菜有珍珠洋葱、烟肉、鲜菌、薯蓉及甘笋
张贴
