La Kaffa (已結業)

对于乌溪沙既印象我已经停留系儿时宿营度假村记忆，估唔到而家住宅林立，同印象中相差太远，呢度变得非常时尚。迎海中la kaffa景观唔错，望向小公园，食lunch时对住咁优闲景致，心境亦特别欢愉。由于都有啲肚饿，我都想食饱啲，又想食下牛扒，于是叫左呢个爵士沙朗早餐 。呢个all day breakfast份量相当惊人😲有两块超大既扒，仲要两块都咁上下大~ 至于多士有成3块咁多，我未食过有咁多块既全日早餐，就咁斋食已经好饱☻另外仲有薯饼，炒滑蛋，沙律，蘑菇，加加埋埋连我呢个大食女都话几饱。牛扒稍稍over cook左，有啲干身，冇咩肉质鲜嫩感，滑蛋亦唔算好滑溜。薯饼系众多中最好味，够哂香脆，沙律菜，蘑菇亦够新鲜 。如果牛扒好好控制火喉，成餐味道我都会比高分啲~ 随餐附送冷或热茉莉绿茶一杯。