義達食堂 光記點心

营业中

休息中

逢星期六带小朋友嚟红磡学魔术，每次经过都满座，今堂改咗星期日，终于见到有位。里面装修比较旧，我哋两个点咗八款点心，点心质素好有惊喜，全部都大大件好足料，每件点心都比平时食开嘅点心大三份一，而且味道亦非常唔错。流沙奶黄包，第一次喺出面食点心见到全手工搓嘅包，虽然甜咗啲，但真系够大个，流心效果亦唔错。光记虾饺皇，好大粒，里面好多虾肉，好满足。原虾烧卖皇，上面嘅虾仁唔细粒㗎，可以睇得出好大粒烧卖，里面包住嘅肉系一块块咁组成。沙律杂果鲜虾云吞，又好大只，上面好多杂果。鹅肝酱咸水角，食唔到鹅肝酱味，不过里面嘅肉醉亦同平里食开嘅唔同，扎实啲同埋葱都新鲜啲。银萝脆皮肠，好新鲜，里面仲好脆。山竹牛肉球。四宝鸡扎。