長發餐室小廚

营业中

休息中

原本打算照旧开完会叫外卖返黎食，但来来去去又系个几间，食都食到厌。朋友话附近开佐间中式餐厅，又有羊腩煲，又有小菜，见都有d人流，应该ok，于是开完会就组队去食。位置就吾算显眼，新装修外观企企理理，感觉几干净。菜式选择都几多，价钱大众，我地就一人拣佐个𩠌。上菜都几快，小炒好似大排档好有镬气，又唔会好咸同好油，呢点做得几好!特别推介系个羊腩煲，真系好足料!一开盖真系香到不得了，隔离枱d人都望过黎，笑!羊腩软腍，仲食到d软骨，而支竹焖得好入味，个汁又清甜，捞饭真系一流。不枉我地咁冻天时都出去食，诚意之作，希望可以keep住水准!冬天食羊腩煲真系好正，下次带埋屋企人黎试下先。