Oink Square Coffee & Crêpe (已結業)

Oink系佐敦新开嘅外卖三文治小店，是晚放工都夜，唔想食得咁heavy，见佢地嘅三文治几多款咁，就外卖返屋企试下。佢地净系三文治都有十几款，另外仲有小食、可丽饼同甜品，野饮选择都好多款，沙冰、梳打同咖啡都有。吉列炸虾肥嘟嘟三文治($50) - 三文治同个名一样，真系肥嘟嘟好大份，炸虾外卖返到黎都仲系脆嘅，炸虾份量都好多，每一啖都食倒炸虾，另外仲加左番茄、生菜同椰菜，再配埋千岛酱，饱肚又好味。越式法包($54) - 法包烘到出面脆脆地，中间有扎肉、腌萝卜同洋葱，萝卜酸味几突出，令人食欲大开。洋葱圈($30) - 洋葱圈炸皮唔会太厚太硬，食酒亦唔会太油，蘸埋个酱汁食都唔错。蓝莓乳酪沙冰($38) - 沙冰打得好滑唔会有冰碎，蓝莓乳酪酸酸甜甜咁几好饮。菠萝梳打($34) - 梳打好香甜菠萝味，唔会太甜，里面仲有两旧菠难。总结，野食野饮全部几十蚊有文易，价钱公道，份量都好足，唔想食得咁heavy都系唔错嘅选择。