影片
更多
2018-12-25
827 浏览
因为上网search "苹果拔丝" 而揾到呢间餐厅！ 入到去，当时只有三四枱客左右，环境非常之靓，明显花咗好多心机落装修，以香港中菜嚟讲，算系非常阔落！大家都食咗下午茶先上去食饭，所以唔系叫咗好多𩠌，嚟呢啲北京餐厅，当然要点一个小笼包啦，味道算系不过不失，再嚟一个葱油饼，简直就非常难食！以为可以以后唔使再嚟呢间餐厅嘅时候， 头盘系一个猪皮冻，同外面嘅做法有少少唔同，佢有少少甜椒粒切咗喺上面，系非常非常之好味，而且爽而不腻，只可惜食起上嚟都系有少少冰粒喺中间，但我依然会畀最少９分呢一个𩠌 !!跟住再上嘅系赛螃蟹，简单不过嘅一个𩠌， 但要煮得好食其实好难，但呢碟𩠌一上枱𠮶刻已经闻到非常之香，配少少陈醋试食咗一啖，足以令我即刻叫一碗白饭， 呢个赛螃蟹我够胆讲，可能系香港最好食嘅！好食过尖沙咀某某米芝莲星级京菜！另外仲有几个小菜，味道普普通通啦，反而因为有其他客人点咗 "叫化鸡"，成间餐厅顿时充斥咗好香好香嘅味道， 见到侍应拎咗一旧好似石头咁嘅嘢上枱，由客人用锤仔仆开，如果下次再嚟呢间餐厅食，我一定会点呢个鸡，但提提大家，呢个系需要预订嘅！至于此行嘅目的：苹果拔丝，似系一早整好，喺雪柜拎出嚟，
大家都食咗下午茶先上去食饭，所以唔系叫咗好多𩠌，嚟呢啲北京餐厅，当然要点一个小笼包啦，味道算系不过不失，再嚟一个葱油饼，简直就非常难食！
以为可以以后唔使再嚟呢间餐厅嘅时候， 头盘系一个猪皮冻，同外面嘅做法有少少唔同，佢有少少甜椒粒切咗喺上面，系非常非常之好味，而且爽而不腻，只可惜食起上嚟都系有少少冰粒喺中间，但我依然会畀最少９分呢一个𩠌 !!
跟住再上嘅系赛螃蟹，简单不过嘅一个𩠌， 但要煮得好食其实好难，但呢碟𩠌一上枱𠮶刻已经闻到非常之香，配少少陈醋试食咗一啖，足以令我即刻叫一碗白饭， 呢个赛螃蟹我够胆讲，可能系香港最好食嘅！好食过尖沙咀某某米芝莲星级京菜！
另外仲有几个小菜，味道普普通通啦，反而因为有其他客人点咗 "叫化鸡"，成间餐厅顿时充斥咗好香好香嘅味道， 见到侍应拎咗一旧好似石头咁嘅嘢上枱，由客人用锤仔仆开，如果下次再嚟呢间餐厅食，我一定会点呢个鸡，但提提大家，呢个系需要预订嘅！
至于此行嘅目的：苹果拔丝，似系一早整好，喺雪柜拎出嚟，而不是即场拉，糖皮系脆，但味道只系一般。完！
苹果拔丝
28 浏览
0 赞好
0 留言
小笼包
32 浏览
0 赞好
0 留言
赛螃蟹
36 浏览
0 赞好
0 留言
猪皮冻
49 浏览
0 赞好
0 留言
张贴
