花月宮 (已結業)

花月宫🌷🌜最近疯狂打边炉，去左呢间位于尖沙咀既打卡餐厅～餐厅装修精致，好有中式古典风味。menu 上有多种汤底、肉类、海鲜、丸类等等。花月宫特色四格锅（$268）四川麻辣锅，汤底麻辣得好平衡，辣度啱啱好，入边仲有鸭血等等食材。药膳花雕花胶醉鸡锅，又系好多料，汤底养生，仲会跟咗一碟大大块嘅花胶同埋醉鸡。黑松露野菌锅，满满既野菌，汤底好香菇味。 蕃茄浓汤海鲜锅，入面仲有一堆鱿鱼仔同埋虾，味道清爽。个人都几推介呢个四格铜，一次可以试晒四个汤底之外，仲入边好多配料。美国顶级手切封门柳（$238）手切封门柳口态软滑，好嫩，牛肉味香浓。一碟份量都唔少，手切厚薄度适中，令到口感提升。风花雪月手打丸拼盘(12粒)（$168）呢个手打丸拼盘打卡一流 ，除咗靓之外仲好好食。佢入边有晒menu 咁多款手打丸， 个人觉得最好食嘅系鲍鱼丸，呢个出边比较少见之外，仲啖啖肉，都食到鲍鱼嘅鲜味，口感弹牙。