Arcadia

营业中

休息中

之前已经嚟过一次，今次朋友想食就同佢过嚟庆祝生日，呢度环境布置好有心机，好多打卡位，非常适合我哋，而且店员服务都非常好，见我哋影相即刻问我哋使唔使帮手。海胆三文鱼子配多士海胆鲜甜美味，三文鱼子粒粒饱满，份量非常多，多士烘到外脆内软。传统香烤虎虾配亚洲风味蔬菜虎虾鲜甜可口，肉质非常弹牙，亚洲风味蔬菜有椰菜花，白菜，青豆，蕃茄等，估唔到味道好夹。澳洲M3和牛肉眼扒肉眼扒五成熟一切开充满肉汁，食落牛肉味道浓郁，口感非常软林，加上酱汁10分惹味。Flamingo西柚和橙味道酸酸甜甜，非常开胃，加上溶咗Flamingo造型杯很可爱。Pheromone系新出嘅Cocktail，颜色带有少少蓝调，加上烟熏效果，一上枱要即刻影相，酒精味道比较浓郁。