影片
更多
2024-05-03
241 浏览
今日约家姊食饭，两姊妹超耐无单独约会，自从佢成家立室，总系有姨甥女/仔系度阻头阻势，做电灯胆。谂起以前细个，最期待星期六日唔使返学，会成日同家姊一齐去M 记食下午茶，跟住穿梭屋邨既文具铺同零食店，好怀念呀！证明姊老了！！家姊话想试方叔叔打边炉好耐，今日一于试下真正既重庆火锅，究竟姊食得几辣🌶一入到去，麻辣味已经扑鼻。环境好舒服，座位阔落，卡位张枱仲好大添，留意到卡位同通道隔离张枱有一段距离之余仲唔系平排，咁样距离感会提升，好好既设计。鸳鸯锅其中一边系麻辣汤底，另一边我嗌咗猪肚鸡，好浓郁嘅胡椒&鸡味，仲有唔少猪肚。我嗌咗碟现炸豆皮，尼个现炸豆皮真系必点，超有豆香味。豆皮放麻辣果边姊真系顶唔顺，因为会索晒啲汤汁，但放猪肚鸡𠮶边简直系一流。大部分菜式都有写明建议渌几耐时间，跟足建议既时间，确实系无错，真系啱啱好。方叔叔既材料非常新鲜，海鲜上枱时仲有冰保持新鲜度，见有4月至8月既春季限定，嗌左半份鲜活海蛏，好肥美，好鲜甜，完全唔使蘸酱油，早知就嗌全份喇！想讲方叔叔令我对黑毛肚&桂花蚌有好大既改观，跟足建议渌既时间，超级脆口，系用脆黎形容，蘸蒜头+麻油，香到无得顶。坦白讲，我本身麻麻毛肚&桂花蚌
家姊话想试方叔叔打边炉好耐，今日一于试下真正既重庆火锅，究竟姊食得几辣🌶一入到去，麻辣味已经扑鼻。环境好舒服，座位阔落，卡位张枱仲好大添，留意到卡位同通道隔离张枱有一段距离之余仲唔系平排，咁样距离感会提升，好好既设计。
鸳鸯锅其中一边系麻辣汤底，另一边我嗌咗猪肚鸡，好浓郁嘅胡椒&鸡味，仲有唔少猪肚。我嗌咗碟现炸豆皮，尼个现炸豆皮真系必点，超有豆香味。豆皮放麻辣果边姊真系顶唔顺，因为会索晒啲汤汁，但放猪肚鸡𠮶边简直系一流。
大部分菜式都有写明建议渌几耐时间，跟足建议既时间，确实系无错，真系啱啱好。方叔叔既材料非常新鲜，海鲜上枱时仲有冰保持新鲜度，见有4月至8月既春季限定，嗌左半份鲜活海蛏，好肥美，好鲜甜，完全唔使蘸酱油，早知就嗌全份喇！
想讲方叔叔令我对黑毛肚&桂花蚌有好大既改观，跟足建议渌既时间，超级脆口，系用脆黎形容，蘸蒜头+麻油，香到无得顶。坦白讲，我本身麻麻毛肚&桂花蚌，系家姐想食先至嗌，但我谂我会挂住方叔叔既黑毛肚&桂花蚌。
牛肉我地就嗌左美国Prime牛小排（半份） & 手切牛（半份），2只牛肉都好有油香&牛肉味，而手切牛口感软弹，所以手切牛略胜牛小排。
唔可以唔提既就系2杯巨型饮品，洛神花鲜橙特饮&水仙乌龙柠檬茶，见到都好开心，仲要好饮，48蚊咁大杯特饮，系打边炉嘅世界简直系恩物。材料关系，洛神花鲜橙特饮会比水仙乌龙柠檬茶浓味🍊，而水仙乌龙柠檬茶就啖啖清香🍃。
最后，俾姊发现有黑糖糍粑，梗系点都要食埋佢先收手。炸得啱啱好，超级软糯，中间系流心黑糖，姊对软糯既食物系无抗拒能力🤤
📍 方叔叔重庆老火锅
观塘观塘道418号创纪之城五期(apm)5楼L5-2号舖
张贴
