柳氏家 (已結業)

今次黎呢度拣咗个$158+1服务费嘅柳氏家辣炒鸡仲送埋韩式炸鸡放题(或韩式火锅)，$158系60分钟任食，$198系90分钟，入面仲有一啲韩国小食:泡菜、芽菜、韩式炒粉丝等等，仲有吞拿鱼螺丝粉沙律同埋一啲自制沙律都可以任食，最后仲有雪糕可以任食，不过我个晚雪糕机已经冇晒雪糕，所以佢地都俾咗杯装雪糕我地食。其实食完啲小食之后已经有3分饱，再食埋佢地嘅特色炒鸡再加埋炒饭(+$20仲有芝士)系一定唔会食得晒，个人认为柳氏家辣炒鸡唔算太辣，都好有韩国特色嘅味道，但鸡嘅份量就比较少，但最后店员都愿意帮我地加翻小小鸡，入面仲有豚肉同牛肉，最特别嘅系佢地有番薯年糕，有啲年糕入面仲有芝士，出面仲有生菜同埋韩式辣酱、蒜头等任拎，可以用黎整生菜包。而炸鸡有三款味道:蒜味牛油、韩式辣酱、黑椒蜜糖，仲可以拣鸡翼或者鸡腿，鸡腿一啲骨都冇，真系啖啖肉架！而饮品就只有饮料机，冇罐装饮品，但都有好多汽水同果汁拣架，而酒就需要额外加钱先可以任饮。