新麻蒲 BBQ (波斯富街) (已結業)

之前响网上见到新麻蒲的介绍，好似都几吸引，于是今晚就book左位去一去，不过整体就不过不失，比预期中有点失落。有唔同套餐选择，价钱算系中上价，我地点左个烤肉两人套餐，望落都几丰富。点左大约十分钟都唔够，好快手就上晒D食物，除左烧的肉外，亦有沙律，海带，生菜等任食。不过D肉都留有雪，新鲜度好似就一般。呢到系用网烧，所以都好快熟，要长期望住个火，而特别系个炉外围都倒左D蛋浆，系混入泡菜，而蛋浆系任食，可以随时叫店员加。味道方面，D蛋都好滑口，加左泡菜味道都好夹，几好味！呢个餐有五花腩，护心肉，猪颈肉，牛肉，猪皮等。比较好味系牛护心肉，虽然细细肉，但肉质嫩又软腍，肉仲好有弹性。不过其他肉就味道不过不失，无咩大惊喜。其中五花腩太过多脂肪，烧完层层油，一D都唔Juicy。饮品方面，点左杯Cocktail Rita - I'm fine，系菠萝加酒，几Fresh，而酒亦易入口。不过，整体套餐份量都几足，食完超饱饱，饱到第二日早餐都食唔落。