金田家 (已結業)

呢间拉面店唔大，有d 似传统果d 大家围住厨房排排坐然后厨师即叫即整既果只，不过呢度光鲜得多。拉面主要既配菜系either 腩肉叉烧或者黑豚叉烧，因为我想试佢个松露酱，所以叫左个黑松露拉面，会跟黑豚叉烧。点菜纸可以选择硬度，叫左硬，食落比一个煮左三分钟既即食面略为再raw 一d。平时煮面我都钟意净系煮两分半钟，贪佢唔好腍得咁快，所以我觉得呢个硬度几适合我。d 松露酱真系好香唔讲得笑，个面未送到黎远处都闻到，而且香味可以维持好耐，力久不散。d 酱微冻，应该系雪柜新鲜滭出黎，口感为浓缩左好多倍既菇菌精华，味道唔太咸。黑豚肉属于肩膀既部份，脂肪比例少，相对会较干身。但系餐厅巧妙咁利用薄切原理，增加到d 肉吸收到汤汁既表面积，加上非常奶滑浓厚既豚骨汤底，浸两浸后就会沾满油光好易入口。食得拉面又点可以唔叫溏心蛋呢？呢度既溏心蛋要另外加，但系绝对超值，佢个texture 十分之分明，而且仲系调过味，少少咸亦带少少甜，惹味之选～最后叫左枝绿茶，系伊藤园既出品。冰冻得黎够晒解喝，以茶去一去饮完d 汤既油腻岩岩好。