云手工火鍋店

营业中

休息中

揾个地方食嘢倾下偈，同朋友嚟咗尖沙咀酒店楼上的云手工火锅店，虽然系楼上舖，但全店满座，所有vip房book满晒㗎。店员好快安排入座，坐低睇下餐牌先，除咗火锅料，餐纸上仲有串烧、刺身、各款小食等，饮品有红酒、清酒、特调饮品等，选择甚多。⭐酱料先送上调味架，按个人喜好整返碗混酱先，有至爱嘅藤椒油同芫茜，正㖞。⭐火焰三椰鸡锅汤底拣咗最近好兴嘅椰子水鸡锅，店员先炒香鸡件，落酒点火再放上椰青水，视觉效果一流之余，椰子味甚香浓，未打边炉前先饮碗靓鸡汤啦😋⭐冬菇串 & ⭐牛舌心汤底未滚前食返串串烧先，叫咗冬菇串同牛舌心，烧得好香口，牛舌心爽脆，冬菇有菌香。⭐秘制蝴蝶腩朋友一睇餐纸就话要点呢份蝴蝶腩，入口口感嫩滑有质感，用嚟打边炉原来好好食㗎🤤⭐纽西兰羊肉片羊肉片有羊香味，但唔骚，正呀。⭐皇帝菜再加左份皇帝菜，吸满鸡汤好好食。个汤底真系好好味🤤饮咗几大碗鸡汤，而且饮完冇口渴，真材实料㖞。