泗益

营业中

休息中

好耐冇嚟过赤柱，唔知有咩好嘢食，上OpenRice见到呢一间好出名食西多士嘅茶记，当然要嚟试吓啦～.嚟到梗系要叫佢嘅招牌咖央西多士，一上枱就闻到超级香浓嘅蛋香味，仲有啱啱炸起嘅滋滋声。好彩佢系最后一个到嘅菜式，所以影完张相就可以即刻食😋 因为好热牛油溶得好快，渗晒落去西多士入边，夹心嘅咖央唔会好甜，配埋蛋香味浓嘅面包，质地外脆内软，好耐冇食过咁高质嘅西多士！.仲有叫咗个鲜油火腿菠萝包，从来冇食过呢个组合，非常震撼！菠萝油就食得多，加埋火腿有少少咸，跟住冻冰冰嘅牛油同微暖嘅菠萝包，一试难忘嘅味道！同埋好好彩我哋啱啱好叫到最后一个菠萝包，小确幸🥰.饮品方面，叫咗杯热奶茶，奶味香浓，茶底唔会好涩，系一杯好饮嘅港式奶茶，值得一试。