真‧章魚無雙 (已改名) 查看

食紧麻辣烫嘅时候，闻到好香黑松露味，见到原来系隔离个女仔食紧呢度嘅黑松露章鱼烧。因为好钟意黑松露，忍唔住都买咗一份嚟食，仲要系买八粒添。见到呢间野好多人买，谂紧乜章鱼烧有咁吸引咩，定系有好多人都好似我咁钟意黑松露？直至我买咗一份，食咗啖，我终于明白了。黑松露章鱼烧（八粒）$40章鱼烧唔太油，皮好薄。平时啲章鱼烧好多时都只系有好少好细块章鱼，再加少少粟米同埋菜。但系呢间嘅章鱼烧，应该有三份二嘅空间都比章鱼占据左，有好大好大旧章鱼喺每一粒章鱼烧入面，即刻觉得好抵，同埋好正。个黑松露酱亦都唔系只系俾少少，而系每一粒章鱼烧上面都铺满晒厚厚嘅黑松露酱。每一粒章鱼烧都有好浓厚嘅黑松露味。唔只系可以闻到，更加系可以食到。虽然$40比起平时嘅章鱼烧系比较贵，但食完之后都真系觉得佢足料嘅。